Tag Archives: Abelleira

Teatro no Galpón.

Unha nova aventura teatral estase a cocer no seo da A.VV. A Ostreira. O grupo teatral Imolandando composto por xente pertencente a A.VV. A Ostreira preséntanos a súa primeira representación teatral.
A lenda de Xoán Bonome,un vello conto de orixe europeo incorporado ao teatro galego por Agustín Magán. O argumento pódese resumir en que Ermesinda reprocha ao seu irmán Xoán Bonome, de ser moi xeneroso cos pobres (Perfectus, Meco e Xelasio); pero a súa sorte vai cambiar despois da visita de Xesús de Nazaret quen lle concede a Xoán cinco desexos.
San Pedro pensa que os desexos de Xoán son tolerías, sobre todo o quinto. ¿Por que pedirá Xoán este último desexo? Saberémolo ao remate da obra.

As entradas da primeira función do 7 de xuño xa están esgotadas. Pero inda estades a  tempo de mercalas para a segunda, o día 14 de Xuño as 22:00 horas no Galpón.

A.VV. A Ostreira , , ,

Abelleira estará no Encontro do Freixo.

Como ven sendo habitual dende o ano 93 a FGCMF organiza cada dous anos o denominado Encontro de Embarcacións Tradicionais de Galicia. Participan diferentes tipoloxías de barcos tradicionais de todo o Estado e doutros países coma Portugal, Francia ou Irlanda.
A Ostreira, como membro da Federación, este ano vai participar coas dúas embarcacións que temos, o galeón e a buceta. Temos a sorte, igual que fai dous anos, que o Encontro se celebre na nosa ría. Este ano tocoulle ao Freixo, onde a carpintería de ribeira xogou un papel moi importante na súa economía anos atrás.
Por este motivo tan importante para nós queremos animar e invitar a toda xente a que participe nesta festa da cultura marítima. O programa de actvidades do Encontro que se celebrará do 11ao14 de Xullo podedelo consultar na propia web.

A.VV. A Ostreira , , , ,

Abelleira Mariñeira 2012.

Dende que a buceta bicou as augas da nosa ría seguimos coa tradicional festa mariñeira. Este ano temos máis gañas que nunca de facer unha grande Festa Mariñeira, aínda que so sexa por que o ano anterior a climatoloxía non nos deixou. Todolos anos introducimos cambios co afan de mellorar. Partimos dunha base moi sólida, unha paraxe fermosa, embarcacións doutra época surcando a nosa costa e a xente de Abelleira creando o mellor ambiente posible.  Esta festa nas tres edicións anteriores deixounos recordos, que perduraran moito tempo.  Nesta ocasión non vai ser menos. Busca un motivo para non faltar, por exemplo: embarcacións tradicionais, gastronomía, música tradicional ou pasar un longo día coa familia e veciños en Ventín. Non vos esquenzades de vir vestidos cos traxes tradicionais e de reservar canto antes no teléfono 659.986.753.

Cartel oficial.

A.VV. A Ostreira , , , , ,

Estreamos Blog…

Hola a todos e a todas, como xa podedes apreciar temos nova imaxe para a nosa presencia en internete. De agora en diante vai a ser un sitio común para as dúas asociacións que temos na parroquia. Haberá novas de carácter xeral, e tamén novas que directamente afecten as dúas asociacións. Agardamos que sexa do agrado de todos. Deste novo xeito de comunicarnos coa xente queremos que sexa un pouco máis participativo e interactivo que os anteriores. Simplemente vos tendes que rexistrar e xa podedes opinar sobre os temas, eso sí, coma sempre de xeito educado, sin faltar eh!, que do que se trata é de comunicar, informar e opinar. Vémonos no novo Blog “Os Mareáns de Abelleira” ou na de Carleiras… Boa sorte

Xeral