Abelleira estará no Encontro do Freixo.

Como ven sendo habitual dende o ano 93 a FGCMF organiza cada dous anos o denominado Encontro de Embarcacións Tradicionais de Galicia. Participan diferentes tipoloxías de barcos tradicionais de todo o Estado e doutros países coma Portugal, Francia ou Irlanda.
A Ostreira, como membro da Federación, este ano vai participar coas dúas embarcacións que temos, o galeón e a buceta. Temos a sorte, igual que fai dous anos, que o Encontro se celebre na nosa ría. Este ano tocoulle ao Freixo, onde a carpintería de ribeira xogou un papel moi importante na súa economía anos atrás.
Por este motivo tan importante para nós queremos animar e invitar a toda xente a que participe nesta festa da cultura marítima. O programa de actvidades do Encontro que se celebrará do 11ao14 de Xullo podedelo consultar na propia web.

A.VV. A Ostreira , , , ,

Cea-Baile de Entroido 2013 no “Jalpón”.

Un ano máis ” A Ostreira” organiza unha das mellores festas do ano, a cea-baile de Entroido. Nesta quinta edición contaremos con dous menús diferentes, así como ambientación musical ata altas horas, ademáis de premios para os mellores disfraces. Non se vai a pasar frío, teremos calefacción e moito viño.

MENÚ 1 = 25 euros: Entrantes, lacón e postres de Entroido.

MENÚ 2 = 20 euros: Entrantes, churrasco e postres de Entroido.

Os nenos ata 10 anos comerán gratis, e partir desa idade pagarán un euro por ano.

A.VV. A Ostreira

Charla informativa sobre Internet Satélite en Sorribos.

A Asociación de Veciños a Ostreira ven de organizar unha charla informativa sobre o acceso a internet de Banda Larga a través de satélite o pasado sábado 22 de setembro. A Ostreira dende fai xa moitos anos leva reclamando en diferentes estamentos un acceso a internet de calidade como teñen o resto das aldeas do Concello, excepto Torea.

No ano 2010 todos pensamos que a solución sería a instalación dunha rede Wimax. A instalación desta rede wimax foi subvencionada pola Deputación da Coruña e cun orzamento de 113.642,88 euros. A día de hoxe a infraestructura wimax está montada, pero según nos informan dende o Concello, que a ningún operador lle interesa dar o servicio.

Cando saeu a licitación pública deste servicio estaba ben definido que a empresa que se encargara da instalación dos equipos tiña que tamén dar o servicio de datos de internet aos usuarios. O prego de clausulas administrativas dio ben claro:
“2.- Compromiso do licitador de dispor na provincia da Coruña dun representante oficial, concesionario ou distribuidor dos produtos a subministrar e que dispoña dunha estocaxe mínima dos produtos necesarios para o mantemento dos bens.
3.- Declaración e compromiso de prazo de garantía da totalidade da subministración.”
Temos agora instalada unha rede wimax na parroquia que, a parte de non ser a última tecnoloxía wimax, está obsoleta e de adorno.
A Ostreira no seu afán sempre de mellorar a calidade de vida da xente da aldea, púxose en contacto coa empresa Eurona, operadora de internet,  que xestiona as subvencións do Agader da Xunta de Galicia para o acceso a internet por satélite para zonas onde non chegan os 2 Megas de velocidade. A alta e instalación de equipos é totalmente gratuíta, o sea, subvencionada pola Xunta de Galicia, dando un servicio de como mínimo 8 megas de baixada e 8 gigas de datos ao mes. Os interesados en darse de alta no servizo que se poñan en contacto con Eurona, no teléfono da súa web, onde lle explicarán tódolos pasos a seguir.

A.VV. A Ostreira , ,

Abelleira Mariñeira 2012.

Dende que a buceta bicou as augas da nosa ría seguimos coa tradicional festa mariñeira. Este ano temos máis gañas que nunca de facer unha grande Festa Mariñeira, aínda que so sexa por que o ano anterior a climatoloxía non nos deixou. Todolos anos introducimos cambios co afan de mellorar. Partimos dunha base moi sólida, unha paraxe fermosa, embarcacións doutra época surcando a nosa costa e a xente de Abelleira creando o mellor ambiente posible.  Esta festa nas tres edicións anteriores deixounos recordos, que perduraran moito tempo.  Nesta ocasión non vai ser menos. Busca un motivo para non faltar, por exemplo: embarcacións tradicionais, gastronomía, música tradicional ou pasar un longo día coa familia e veciños en Ventín. Non vos esquenzades de vir vestidos cos traxes tradicionais e de reservar canto antes no teléfono 659.986.753.

Cartel oficial.

A.VV. A Ostreira , , , , ,

Informe da Ostreira a Demarcación de Costas de Galicia.

A asociación de veciños A Ostreira ven de redactar un informe sobre o estado en que se atopa a zona do peirao de Sorribos e tamén do camiño que enlaza o mesmo coa praia de Liñares. Este informe foi remitido a Demarcación de Costas de Galicia, para poñelo no seu coñecemento. Fai xa uns catro anos aproximadamente fíxose outro informe sobre a mesma zona pero este aínda era máis amplo, xa que tamén comprendía a posible rexeneración da zona de desembocadura do río de Lamas. A resposta no seu día a este primeiro informe foi a seguinte e cito textualmente o que se nos contestou via postal :

“La ejecución de una senda litoral es una pretensión de nuestro Ministerio, lo cual ejecutaríamos siempre que se ejecutase fuera del dominio público marítimo-terrestre, es decir, por la servidumbre de tránsito sin la ejecución de borde (muros, escolleras de hormigón, etc.) que modifiquen la vegetación de ribera”.

Vista aérea do peirao e a praia Liñares.

Por este motivo pensamos que catro anos despois é o momento de volverllo a recordar, xa que no seu día era a súa intención rexenerar a zona, hoxe aínda con máis razón.

A restauración do entorno da zona de Sorribos e Liñares non foi completada dacordo coa subvención da Fundación Arao ( por efectos do Prestige), quedando pendente uns 240 m² por arranxar. Trátase dun pedazo de peirao derrubado hai moito tempo que se atopa nun perigoso estado e dunha senda litoral que comunica o núcleo rural e o peirao coa praia de Liñares. Esta senda litoral non se atopa nun estado óptimo e intransitable para todos os usuarios da praia (turistas, mariscadoras, pescadores, cidadáns en xeral).

Peirao de Sorribos.

Camiño a Liñares.

 

A.VV. A Ostreira , ,

Resumo Asemblea Xeral e Orola de Inverno.

O sábado 5 de Maio celebrouse a asemblea Xeral Ordinaria da A.C.R. Ponte Vella no local social de  Sorribos e aproveitando a ocasión inaugurouse a nova exposición fotográfica que estará exposta durante todo o verán. O gañador do concurso fotográfico foi Joaquín Fabeiro, e a súa fotografía pódese ver tanto en Sorribos como no Album web de picasa . Como ocorre sempre nestes casos a asemblea tivo que celebrarse en segunda convocatoria, xa que na hora que estaba sinalada (20:00 horas) non había quorum suficiente. Debido a que en segunda había únicamente tres ou catro socios vémonos obrigados a utilizar este espazo para informar aos veciños e socios do traballo que se fixo ao longo do ano e sobre todo facer público o estado de contas da asociación, ademáis de convocar eleccións á Xunta Directiva da Asociación xa que actual leva traballando os catro anos reglamentarios. Abreuse polo tanto o período electoral no que xa se poden presentar as candidaturas para dirixir os vindeiros catro anos a Asociación. Todos aqueles que se queiran presentar a estas eleccións deben cominicarllo a calquera membro da directiva saínte, tendo de prazo ata o día 7 de Xullo, día que se celebrarán as eleccións. No caso de non presentarse ningunha candidatura os membros da directiva saínte presentarán unha Xunta Directiva con un reparto de cargos distinto do actual. Dende aquí queremos animar a tódolos veciños que queiran colaborar coa Asociación que o fagan sen medo e que aporten tanto ideas novas como colaboración.
A día 1 de Xaneiro temos un saldo positivo de 3.835 €. Ademáis dos ingresos pola cota dos socios a nosa asociación tivo unha subvención do Concello de Muros e outra da Deputación da Coruña. A primeira para cubrir parte das actividades que se fan ao longo do ano e a segunda para o concurso fotográfico.
Entre as actividades do ano pasado destacaron a andaina á Pedra do Cadro, o concurso fotográfico, a representación teatral do grupo “O Xeito”, e as festas do San Xoán e o Magosto.
Tendo en conta que a nova directiva sairá para Xullo, neste tempo seguiremos traballando os que o fixemos durante os últimos catro anos. Como actividade máis proxima temos previsto traer de  novo unha obra de teatro e preparar xogos de verán nas distintas praias da parroquia.

Xa podedes disfrutar tamén do noso boletín A Orola deste pasado inverno, atoparedela pola parroquia e tamén no apartado “Boletín A Orola” desta web.

A.C. Ponte Vella

Asemblea xeral ordinaria A.C. Ponte Vella.

Quedan convocados tódolos socios e socias da Asociación Cultural Ponte Vella para o vindeiro día 5 de Maio, sobre as 20:00 horas, que se celebrará unha Asemblea Xeral Ordinaria. A orde do día será a seguinte: balance anual, estado de contas, convocatoria de eleccións a xunta directiva, presentación de candidaturas e rogos e preguntas.

Unha hora antes, sobre as 7 da tarde faremos entrega do premio ao gañador do Concurso de Fotografía, e tamén inaugararemos a exposición de fotos dos participantes no Concurso.

A.C. Ponte Vella

IV Entroido 2012 no Galpón.Abelleira.

 Un ano máis, e con este xa van catro, a tradicional festa de Entroido xa se está fraguando na parroquia. Este ano propoñemos unha maior calidade na comida (marisco, lacón, filloas, orellas…) ,un trío musical (SOMOS III) que versionea cancións de pop e rock dos 80 e 90, e triplicaremos os premios aos mellor disfrazados. E todo isto sen subir os prezos!! Os menores de 18 anos só terán que abonar 15 euriños. Animádemos e ide facendo xa ese disfraz que nos impresionará a todos e lévate o premio ao MELLOR DISFRAZ. Non te esquenzas de facer a reserva da cea no número de teléfono 659.986.753 .

A.VV. A Ostreira

Felicitación de Nadal.

Xeral

Abelleira Mariñeira 2011.

O vindeiro sábado 6 de agosto, como ven sendo habitual dende o 2009 cando organizamos a festa da botadura da buceta, temos unha cita coa Cultura Marítima na Festa Abelleira Mariñeira 2011. Nesta ocasión contaremos coa participación de varios galeóns, do Joaquín Vieta de Noia, a canoa muradana,  e como non do noso galeón que está en fase de construcción, tamén estará a nosa buceta e algunhas embarcacións tradicionais máis aínda por confirmar a estas alturas. O programa da festa comezará sobre as 12 da mañá coa chegada das primeiras embarcacións. Sobre as doce e media farase unha navegación libre pola ría.

As dúas e media da tarde comezaremos co xantar que constará de: aperitivos, vieira á crema, ensalada de froitas, bacallau ás finas herbas, postre café e chupitos. Pola tarde, a eso das cinco,  levaremos a xente que se apunte, a dar un paseo pola ría nunha embarcación tradicional. As oito da tarde faráse un acto de presentación de libros, chamado “Faladoiro sobre os libros” onde se darán a coñecer as seguintes obras: “Tamén navegar”, presentado por Francisco X. F. Naval, “Capitán Wood”, presentado por Lino J. Pazos e “Derrota e singraduras do Joaquín Vieta”. Presentado por Lino J. Pazos.

A cea comezará sobre as dez e media co seguinte menú: langostinos, ensalada, churrasco, postre, café e chupitos. O prezo da comida será de 25 euros e o da cea de 17 euros, tamén se servirá un menú infantil de 10 euros.

Camiseta oficial

Para os máis pequenos teremos tamén animadores. Para rematar a festa amenizarán ós asistentes o grupo “Los Strikkers” con versións de outras décadas e ata música actual. Non vos olvidedes de vir vestidos coa roupa tradicional. Non deixedes para última hora a reserva das comidas, tedes como límite o 31 de xullo. Para facer a reserva chamade ó 659.986.753 ou comunicarllo a calquera da directiva.

O evento no facebook.

A.VV. A Ostreira