Os Mareáns de Abelleira

O sábado 17 de outubro, fíxose entrega do premio á gañadora do III Concurso de Relato Curto A Orola, Rocío Leira Castro, natural de Cee. O xurado deste ano decideuse polo relato “O alpendre dos meus soños” no que a autora nos conta as vivencias dunha muller afastada do seu marido na emigración. No mesmo acto fíxose tamén a presentación da primeira publicación feita pola A.C.R. Ponte Vella, unha recopilación de tódolos relatos que participaron ata o de agora neste certame. Para rematar o acto, o poeta muradán, Samuel Lema recitounos un pequeno repertorio da súa obra, moi relacionado co costumismo da nosa zona. Os interesados en mercalo libro poden facelo no Bar O Horreo, na Casa Carleiras, falando con calquera de directiva da A.C.R. Ponte Vella ou enviando un mail a Antonio Priegue (parispl@hotmail.com). Se vives fóra podémoscho enviar contrareembolso pagando os gastos de envio. O prezo do libro son 10 euros.

¡COLABORA E MERCA O LIBRO!

Repercusión na Voz de Galicia. 1 e 2.

Manual da destrución. Samuel Lema.

Arquivado en: A.C. Ponte Vella | Sen comentarios »

Como é tradicional neste tempo, un ano máis celebraremos o Magosto na Eira de Bornalle. Será o sábado 31 de outubro sobre as dez da noite. Coma sempre teremos as castañas asadas, chourizos, viño, música, algún que outro gaiteiro e pandereteiras, e como non a queimada como fin de festa. Non faltedes á cita.

Arquivado en: A.C. Ponte Vella | Sen comentarios »

Presentamos en sociedade o novo Blog informativo da cultura marítima no que está, nunca mellor dito, embarcado un grupo de traballo pertencente a Asociación de Veciños A Ostreira. Daremos conta neste espazo web de todo o proceso de recuperación desta embaración tradicional extinguida xa fai anos da nosa Ría. Non me extendo máis en explicar este ambicioso proxecto, xa que podedes consultar toda a información nesta ligazón do Galeón de Abelleira.

Arquivado en: Xeral | Sen comentarios »

Próximamente vamos a poñer a venta un DVD sobre o proceso de fabricación da buceta e do día de festa da Botadura. Necesitamos saber canta xente está interesada en adquirilo, por eso é imprescindible facer unha reserva indicando o número de copias que precise cada persoa. O precio da reserva é de un euro por copia, que logo se descontará do precio final do dvd. As reservas pódense facer na Casa de Carleiras e no Bar Hórreo, tamén a calquera persoa das dúas directivas.

Arquivado en: Xeral | Sen comentarios »

O vindeiro sábado día 17 de Outubro faráse entrega do premio ao gañador/ora do III Certame de Relato Curto “A Orola”. Terá lugar no Local Social de Sorribos sobre as oito da tarde. Este ano o xurado está composto por Caridad González , Deputada de Cultura, Educación e Patrimonio histórico artístico da Deputación da Coruña, Xosé Manuel Sande, Corresponsal de La Voz de Galicia e Antonio Formoso, licenciado en filoloxía galega. O xurado decidiu outorgar o premio de gañadora ao relato titulado O alpendre dos meus soños, escrito por Rocío Leira Castro. Nese mesmo acto presentarase o libro que recolle os relatos dos tres primeiros certames.

Arquivado en: A.C. Ponte Vella | Sen comentarios »

Despois da resaca que nos deixou a Festa da Botadura e os Encontros de Muros, a festa do Carme e as sucesivas churrascadas, chegou o momento de poñer a proba a nosa buceta. Eran as cinco da tarde do sábado oito de agosto. Nito, o patrón que nos iba a enseñar a “navejar a vela” estaba agardando por nós nos pantaláns de Muros. Despois das pertinentes presentacións, dounos unhas nocións moi básicas da arte da vela tradicional. A tripulación estaba composta por Verán, Raúl do Canaxo, Nito (o patrón e maestro) e un servidor, o Fininho. Saimos da Vila a remos e izámola vela de relinga a saída do porto, marcando proa a Rocha. Dicíannos os “entendidos”, que o día estaba moi bó para “velear”, pero a verdade é que había un nordés que metía medo.

Nito ibanos enseñando o arte de velear como bó patrón que é. Dicíanos que o vento de hoxe estaba un pouco tolo, porque non era contínuo nin estable. Tíñamos que estar moi pendientes de soltar escota neses refachos fortes de vento. As veces non era necesario soltar escota, con xirar o timón proa ao vento xa arreglabamos.

Deixamos a babor as bateas, despois de facer ciaboga cerca da Rocha, e enfilamos proa á Creba. O mobil sonoulle a Nito, deixounos o timón por un momento e díxonos que era a hora da pastilla. Un de nós colleu o timón e a escota. Non pasou nin un minuto para vir un refachón de nordés por babor que case nos toca a vela no mar. A auga entrou polo costado de estribor, e o patrón en funcións, arriou todo en banda e caeu ao mar. Controlamos a buceta e o home subeu a bordo. Cabe dicir que o mobil despois de bucear volveu á vida dous dias despois. Nito en ningún momento se puxo nervoso, máis ben sempre daba ánimos e consellos para que isto non nos volvese a pasar. Hai dous tipos de mariñeiros, os que caeron ao mar e os que van a caer. A bordo xa tíñamos dos dous tipos.

A nosa travesia seguia cruzando a fermosa ría na que nacemos. O patrón dicíanos que hoxe non era un día dos máis apropiados para aprender a navegar, polo tipo de vento que había e como estaba o mar, pero nós pensábamos que era o mellor día. Adelantábannos veleiros por babor a toda marcha, e mesmo algunha planeadora que outra. O vento cada vez máis forte, sobre todo cando xa estábamos no medio da ría, íanos levando cara fóra tendo que poñernos como arribada o Porto do Son. Fixemos unha chamada de teléfono ao Ferreiro pidindo roupa seca para todos e que nos recollera no Son. Os mareáns batían en ambas amuras facendo entrar auga na buceta e mollándonos a todos.

A sensación de navegar pola ría, rompendo o mar, e coa vela toda hinchada era indescriptible, hai que vivilo. Fómonos arrimando a terra e albiscamos a praia da Aguieira. Buscámolo vento de popa, costeando para entrar no porto do Son. Recollemos vela as portas do porto e entramos a remos. Fondeamos ao ladiño dos pantaláns. Por fin en terra firme, era o momento de ir tomalo chiquito. Tíñamolo ganado. O Ferreiro apareceu coa roupa seca e quitámola molladura do lombo. Comentamos na taberna as peripecias da nosa singladura e quitamos unhas fotos para o recordo. Meteusenos o salitre na sangue e non creo que nos saia nunca máis.

Arquivado en: Xeral | 6 comentarios »

Non fai faltar dicir a repercusión que tivo a nosa Festa da Botadura no eido da Cultura Marítima, como exemplo de implicación dun pobo nun proxecto común. Quixeramos agradecer a colaboración, empezando pola xente de Abelleira que axudou dende o primeiro día, ao presidente da F.C.M.F. Víctor Fernández, a A.C. A Dorna, os de Lajareu, os de Mar da Pedra e aos mariñeiros de Bouzas.Seguramente nos queda moita xente no tinteiro, pero eles ben saben que o noso agradecemento tamén está con eles.

A nivel organizativo creemos que tamén foi un éxito. Esto non só o pensamos nós senón que o corroboran as diferentes asociacións que participaron e os medios de comunicación. Aquí vos deixo unha mostra das novas e comentarios en diferentes medios e blogs de internet onde se fala moito e ben deste evento sen precedentes na nosa parroquia.

ttp://www.culturamaritima.org/node/10956
http://www.culturamaritima.org/node/10902
http://singraduradarelinga.blogspot.com/2009/05/abelleira-vai-en-bolina.html
http://singraduradarelinga.blogspot.com/2009/07/breve-cronica-do-encontro-de-muros.html
http://acddorna.org/blog/blog.php?id=79
http://mardemuros.com/noticia.04.07.09.html
http://www.lavozdegalicia.es/barbanza/2009/07/04/0003_7826762.htm?idioma=galego
http://www.lavozdegalicia.es/barbanza/2009/07/05/0003_7828958.htm
http://www.elcorreogallego.es/comarcas/ecg/vecinos-abelleira-estrenan-embarcacion-ix-encontro/idEdicion-2009-07-05/idNoticia-445128/

E como dixo Carballeira aquel día:  ¡Para o ano máis!

Arquivado en: Xeral | Sen comentarios »

O próximo día 4 de Xullo, Sábado da Festa do Carme, teremos outra celebración ao longo do día no peirao de Sorribos. A Botadura da Buceta vai a marcar un antes e un despois para a parroquia de Abelleira. Agardamos a presenza dunhas quinientas persoas aproximadamente, incluindo as  autoridades e a tripulación das embarcacións de fóra. A Buceta sairá do local de fabricación sobre as 12 da mañán, acompañada por unha comitiva de xente e un grupo de música tradicional galega. Sobre as 12:30 chegará ao peirao de Sorribos, onde xa estará aberta a cantina e procederáse a recollida de tickets para o xantar. Sobre a 1 da tarde inauguraremos unha exposición fotográfica e proxectaráse un dvd cos traballos desenrolados pola A.VV. A Ostreira. O redor das 2 da tarde empezaremos co reparto do xantar, que constará en: Salpicón, pementos da Devesa, ensalada, churrasco, café e xelado. Queremos pedir dende aqui aos asistentes que  por favor sigan as instruccións da Organización para que todo este evento saia perfecto. Non queremos esquencer que o acceso de vehiculos ao peirao de Sorribos queda totalmente prohibido. Agardamos que todos pasemos unha xornada inesquecible.

Tríptico co programa en pdf

Arquivado en: A.VV. A Ostreira | 2 comentarios »

O vindeiro sábado 13 de Xuño o grupo de teatro “O Xeito” representará no local social de Sorribos a obra Noite de lobos, orixinal de Xosé Agrelo Hermo. Este acto estará organizado pola nosa Asociación e colaboran tanto o Excelentísimo Concello de Muros como a asociación Cultural “O Xeito” de Esteiro. A representación dará comezo ás 22:30 horas e durará aproximadamente unha hora. O prezo das entradas será de 2 € para os socios e 3 € para os non socios.

Arquivado en: A.C. Ponte Vella | Sen comentarios »

No verán de 2008, fun convidado por uns amigos, a pasar coa miña familia, uns días, a San Cibrao, no concello de Cervo. Neses días celebrábase alí a Maruxaina, tratase basicamente dunha celebración dunha lenda, en concreto dunha serea, na que miles de persoas deste pobo e moitos turistas se visten de mariñeiros/as e celebran unha comida na praia.

Pareceume unha boa idea, que se podía trasladar a nosa parroquia.
O primeiro paso foi disfrazarme, dese modo, na cea de carnaval, para que a xente o vira.
Os traxes de San Cibrao eran moi sencillos, pero as nosas modistas, chegaron a conclusión de que tiñan que facelos mais bonitos e mais complicados.
Foi fundamental saber dunha tenda de telas, con prezos moi económicos, na cidade de A Coruña, xa que cos prezos das tendas da comarca seria inviable.

O 23 de marzo, Juliana e María, mercan na Coruña gran parte das telas necesarias para a vestimenta, logo terían que voltar 2 veces mais.

Cabe reseñar que a idea dos modelos quitouse de fotogramas, da película “A mariñeira de Quilmas”, que baixamos de internet.

O 28 de marzo, escomenzan coa feitura das prendas, a día de hoxe traballaron: 2 xoves, 7 venres, 8 sábados e 4 domingos, sumando aproximadamente 900 horas.

O traballo están a realizalo: Juliana do Mestre, Divina de Sorribos, Elena do Mestre, Mari Carmen do Curro, Carmiña de Socorra, María Jesús do Canaxo e Lolita do Mestre.

Non se esperaba tal avalancha de pedidos, a día de hoxe fixéronse ou están por rematar 157 vestimentas.

E probable que rematen en dous fins de seman, xa que apartir de agora non colleran mais pedidos

A confección destes traxes, vai a ter como consecuencia que vamos a ter que facer unha festa mariñeira tódolos anos, para poder desquitar os traxes.

O Ferreiro

Arquivado en: Xeral | Sen comentarios »